-
Bild 1 von 8Legenda: La dama da cors. Era Angela Hendry sa costumescha mintg'onn da Halloween. MAD -
Bild 2 von 8Legenda: Halloween per l'entira famiglia. Angela Hendry e ses um Ralph ed ils dus uffants Sophie (davant) e Ayden (sin bratsch). MAD
-
Bild 3 von 8Legenda: Dultscharias u lumparias Sophie (3) ed Ayden (2) èn pronts da rimnar las dultscharias da Halloween. MAD
-
Bild 4 von 8Legenda: Dultscharias u lumparias. Ensemen cun autras famiglias dal quartier vegn festivà Halloween. MAD
-
Bild 5 von 8Legenda: Sgarschur da Halloween. Las figuras da Halloween duain spaventar ils nauschaspierts. MAD
-
Bild 6 von 8Legenda: Dultscharias u lumparias. Grond e pitschen è pront per Halloween. MAD
-
Bild 7 von 8Legenda: La decoraziun da Halloween. Angela Hendry ha era decorà la chasa datiers da Dallas tenor l'usit da Halloween. MAD
-
Bild 8 von 8Legenda: Helloween fa snavurs. Ils vischins han laschà ora cups tar la decoraziun da Halloween. MAD
Angela Hendry viva cun ses um Ralph - ch'è medemamain in Svizzer - dapi quatter onns e mez a Texas, datiers da Dallas. Mintgamai la fin d'october èn els en fevra da Halloween. Era lur dus uffants Sophie ed Ayden giaudan da sa costumar e rimnar las dultscharias.
Halloween: Da l'Europa en l'America – e retour
Tenor ina legenda levan ils morts en vita l'emprim di da november. Halloween è ina tradiziun pajauna che vegniva celebrada dals pievels celtics e gals avant 2'500 onns – oravant tut en l'Europa. Ils cristians han cumbattì questa tradiziun. Perquai ha Papa Gregor IV fixà la festa catolica da Numnasontga sin l'emprim da november.
En l'Irlanda ed en l'Engalterra èn tscherts rituals restads. Durant il 19avel tschientaner han immigrants irlandais importà Halloween en l'America. Las ravas cun chandailas èn vegnidas remplazzadas cun zitgas. E dapi intgins onns turna l'usit da Halloween puspè en l'Europa ed era en las regiuns rumantschas.
RR actualitad 17:00