Il Premi Nobel d'economia va quest onn a professura Claudia Goldin, da l'universitad da Harvard en ils Stadis Unids. Ella survegn il premi per avair meglierà la chapientscha per l'influenza da las dunnas sin l'economia. Quai ha annunzià l'Academia svedaisa da las scienzas.
Il Premi Nobel d'economia è il sulet che na deriva betg dal testament dad Alfred Nobel. El vegn surdà dapi la fin dals onns 60 e na quinta uschia betg tar ils Premis Nobel classics. Tuttina vegn el surdà ensemen cun ils ulteriurs premis ils 10 da december, il di da mort dad Alfred Nobel.
