Autur norvegiais - Premi Nobel da litteratura va a Jon Fosse

Il Premi Nobel da litteratura va quest onn al Norvegiais Jon Fosse. El vegnia undrà per sia prosa e ses tocs da teater innovativs, che dettian ina vusch a quai che saja inexprimibel, scriva l'Academia svedaisa da las scienzas. L'onn passà aveva gudagnà la Franzosa Annie Ernaux il premi prestigius. Il Premi Nobel da litteratura vegn tradiziunalmain surdà sco quart dals premis. Suenter ils premis da medischina, fisica, chemia e litteratura suonda venderdi anc quel da la pasch.