Suenter la surpigliada da la Credit Suisse tras la UBS duain sco i para vegnir stritgadas dapli che la mesadad da las plazzas tar la CS. Quai scriva l'agentura da novitads Bloomberg cun sa referir sin insiders. La UBS sezza n'ha betg prendì posiziun envers Bloomberg.
Tenor l'agentura da novitads duai dar in'emprima runda da reducziun da plazzas il fanadur ina segunda ed ina terza sajan planisadas l'atun. Pertutgà il pli ferm saja il sectur da l'investment banking da la CS a Londra, New York e l'Asia. Bloomberg discurra da var 35'000 plazzas da lavur che vegnian stritgadas.
