Ils Stadis Unids annunzian ina gronda mobilisaziun da truppas serbas al cunfin tar il Cosovo. I sa tractia d'ina dimensiun maiudida d'artigliaria e panzers, uschia il cussegl per la segirezza naziunala. Ils Stadis Unids sajan preoccupads ed appelleschian a la Serbia da retrair las truppas.
Davart las finamiras da la Serbia n'ha il cussegl per la segirezza pudì far naginas indicaziuns. Suenter che la NATO aveva annunzià da vulair staziunar dapli truppas en il Cosovo aveva il ministeri da defensiun britannic declerà ch'ins haja surdà a la NATO il commando sur dad in battagliun. In battagliun èn per reglas tranter 500 fin 1'000 schuldads.
