Las stentas da l’Uniun europeica da intermediar tranter la Serbia ed il Cosovo han danovamain fatg naufragi. Entant ch’il president serb Aleksandar Vucic haja acceptà ina proposta per calmar la situaziun tendida tranter ils dus pajais, haja il schef da la regenza cosovara, Albin Kurti, refusà quella.
Quai ha ditg Josep Borrell, l’incumbensà spezial per l’exteriur da l’UE. Il Cosovo è sa declerà independent da la Serbia il 2008. Quai n’ha la Serbia dentant betg acceptà. Per ella è il Cosovo be ina provinza malfidaivla.
