Il servetsch da novitads curtas X – ch’era fin dacurt enconuschent sco Twitter – sto pajar ina multa da 350'000 dollars. Quai ha confermà ina dretgira d’appellaziun en ils Stadis Unids. Il concern haja ignorà ina ordinaziun giudiziala.
Concret vai per in cumond da perquisiziun da l’investigader spezial Jack Smith ch’intercurescha la rolla da Donald Trump en connex cun l’assagl sin il Capitol. Tranter auter ha el laschà controllar il conto da Twitter da Trump. Quai ha il concern tradì a l’anteriur president senza lubientscha da l’investigader spezial.
audio
Per tadlar: las novitads da las 07:00
ord RTR Audio dals 10.08.2023.
laschar ir. Durada: 4 minutas 31 Secundas.
