Donald Trump è sa declerà sco «betg culpant» avant la dretgira a Miami en l'affera dals documents secrets. Quai han rapportà l'emettur CNN e la «Washington Post» da la sesida da la dretgira a Miami.
Suenter che Trump è lura sgulà enavos a New Jersey ha el discurrì davant ses aderents e ditg che l'accusaziun saja in abus da pussanza e ch'il president en uffizi Joe Biden saja responsabel per quai. I saja stà ses dretg da posseder quests documents, ha el ditg vinavant. Ad el vegn rinfatschà d'avair salvà documents secrets illegalmain suenter ses cumià da la Chas'alva e d'avair mussà quels a persunas terzas.
audio
Per tadlar: las novitads da las 07:00
ord RTR Audio dals 14.06.2023.
laschar ir. Durada: 4 minutas 45 Secundas.
