Da nov pon ins sa laschar far il «boostern» – pia laschar dar la terza vaccinaziun encunter corona – e quai gia suenter quatter mais. Quai ha il Cussegl federal communitgà il venderdi passà.
Il center da vaccinaziun marscha bain
Dacurt ha Cuira avert in nov center da vaccinaziun. La media chantunala Marina Jamnicki è uschè lunsch cuntenta cun quel.
Actualmain èn 60% da la populaziun sur 65 onns vaccinada trais giadas. Da l'entira populaziun grischuna ha 20% survegnì il «booster». Uschia sajan ins in zichel sur la media svizra, ha Jamnicki explitgà.
Grischun augmenta capacitads sur ils firads
Il chantun Grischun augmenta sur ils dis da festa la pussaivladad da dar il booster, pia la terza vaccinaziun cunter il coronavirus. Sulettamain ils 25 e 26 da december restian ils centers da vaccinaziun serrads, scriva l'Uffizi da sanadad.
Dumonda per tests svelts crescha
Pliras apotecas en il Grischun vesan a vegnir ina stretga da tests svelts e recumondan da far ils tests gist en l'apoteca. Quai però cun far in termin oravant.
