L'uniun da scolastas e scolastas dal Grischun LEGR fa quitads en vista a la scola populara che cumenza puspè suenter las vacanzas da Nadal e Bumaun en grondas parts dal chantun. Pervia da l'aut dumber da cas da corona pudessia esser ina sfida per garantir in'instrucziun da preschientscha sur pli lung temp, uschia la presidenta da l'uniun, Laura Lutz vers il schurnal regiunal da SRF:
Els sperian fitg ch'els vegnian d'evitar l'insturcziun sin distanza, ma la pandemia cumondia. Perquai speria ella er sin sustegn da studentas e students da la Scol'auta da pedagogia dal Grischun per remplazzar persunas d'instrucziun che crodan ora. Ils proxims dis vegnian a mussar quant ferm che la varianta omicron vegn d'influenzar il manaschi da scola.
