La fin d'emna dals 12 e 13 d'avrigl 2025 ha lieu l'agrischa, quest onn en la citad da Cuira. Essas Vus era al lieu? Lura faschai ina visita al stan da RTR che sa chatta sin la via da la posta e scuvri il program multifar. Tar nus pudais testar Vossa savida musicala tar il quiz da chanzuns e segirar grondius giveaways. Ils pitschens han la pussaivladad da colurar in agen tic-tac-toe. Ultra da quai han tut las visitadras e tut ils visitaders la schanza da sa participar ad ina concurrenza e da gudagnar cun in pau fortuna in bel premi.
Il stan da RTR pudais Vus visitar durant las suandantas uras:
Sonda, 12-04-2025, 09:00 – 18:00
Dumengia, 13-04-2025, 09:00 – 16:00
Vegni er Vus sperasvi, nus ans legrain sin numerusas visitas.