Occurrenzas RTR - Invit a la premiera da film a Samedan

Ella è la pli auta da tut l’Europa – la plazza aviatica da Samedan è situada sin 1707 meters sur mar. Ad onn datti qua passa 15'000 sgols. Er sche quai èn strusch tants co en in mais sin l’eroport da Turitg-Kloten, è la plazza aviatica «Engadin Airport St. Moritz – Samedan» centrala per l’Engiadin’Ota. Ella è quel punct sin l’i che fa da San Murezzan il Top of the World.

RTR dat in sguard davos las culissas

Sin la plazza aviatica gira dentant anc bler dapli che la high society. En nossa documentaziun da 24 uras guardain nus davos las culissas da quest lieu discret e ses manaschi – dal tower fin en la glatschera dal catering, da la cuschina da la Rega fin en il cockpit dal jet privat, da las cofras dals VIPs enfin tar ils apparats da fotografia dals spotters d’aviuns.