Tgi che taidla oz novitads, musica, las previsiuns da l'aura u las communicaziuns da traffic al radio, fa quai per gronda part sur la tecnologia da radio digitala DAB+ u sur l'internet (IP). En Svizra vegnan duvrads adina damain apparats d'undas ultracurtas (UKW/UUC).
Il 31-12-2024 ha la SRG SSR, e cunquai era RTR, chalà da nizzegiar la tecnologia dad UKW. Cun DAB+ ed internet (IP) existan duas pussaivladads da recepziun digitalas che porschan ina meglra qualitad dal tun ed ina pli gronda tscherna da programs, ch'èn pli effizientas dal punct da vista energetic e dals custs e furneschan infurmaziuns supplementaras.
Tge vul quai dir per Voss radio?
Per pudair retschaiver DAB+ dovr'ins in apparat u in adapter correspundent. Igl è perquai necessari da guardar sche Voss radio existent po retschaiver DAB+ u betg. Co che Vus pudais testar quai, vesais vus en ils tutorials qua sut.
Pensai era a Voss radio en l'auto
Era Voss radio en l'auto è pertutgads da la midada. Per modernisar quest radio datti pliras pussaivladads sco p.ex. installar in adapter. Tuttas infurmaziuns davart questas pussaivladads chattais Vus qua ubain directamain tar Vossa garascha.