Agrischa 2026 Zernez - 15'000 visitaders e visitadras a l’Agrischa

Grazia ad in aura da bellezza senza nivels e temperaturas miaivlas han visità radund 15'000 visitaders la 15avla Agrischa, quest’onn a Zernez. Ils organisaturs discurran d'in fitg grond success senza incaps. Ins haja pudì beneventar in terz dapli visitaders e visitadras che spetgà ha ditg ad RTR Fadri Stricker, il president dal comité d'organisaziun. La raschun principala saja stada la bun'aura. Radund 330 purarias da l’Engiadina, Val Müstair, Samignun e da las valladas dal sid èn sa preschentadas sin la plazza da festa e martgà amez Zernez.

A l’Agrischa 2026 en vegnidas preschentadas radund 300 vatgas e blers animals pitschens. Tractors istorics e maschinas agriculas la pli modernas. Tranter auter ha gì lieu la concurrenza per la «miss Agrischa», quel premi ha gudagnà il pur da Sent Ludwig Noggler. Tras la vischnanca eran stands che han vendì products agriculs, ma era p.ex la scola ota professiunala d’agronomia da Berna. Natiralmain eran preschentas differentas societads ed instituziuns in connex cun agricultura. Durant tut la fin han gi lieu concerts da differents gruppaziuns, sco per exempel da «Rümli Gäng» dad Ardez, societads da musica da differentas vischnancas, enfin la gruppa da tibas da la Val Müstair. Ussa vegn tut fabritgà enavos e quai dura circa trais dis – l’Agrischa 2026 è cun quai istorgia

La dumengia cumenza cun in grond cortegi

Co vai cun ils animals durant l'Agrischa?

Var 300 vatgas ed er auters animals da niz vegnan preschentadas a l’Agrischa. Ir cun animals ad in’exposiziun è probablamain ina situaziun speziala betg be per els, ma era per lur proprietaris. I vegn dentant guardà ch’i va bain cun ils animals: cun strom a terra per far in paus ed er cun tendas per dar sumbriva sch’il sulegl stgauda fitg. Impurtant saja ch’ils animals possian baiver e magliar. Las bleras vatgas èn calmas, er cun 5000 persunas sin l’areal – be paucas èn tranteren in zic gnervusas. Sco Ludwig Noggler che ha gudagnà cun sia vatga la “Miss Agrischa” di, saja decisiv che l’animal haja ina tscherta colliaziun cun ins sez. Sche ils animals han fidanza en ils purs e las puras, lura èn els calm era tar dapli glieud.

Bleras attracziuns

Radund 290 vatgas da different raz ins dastga visitar, occurrenzas cun chavals, ina tenda cun animals pitschens da tut gener. Durant il di ha lieu l’occurrenza da vatgas «miss Agrischa», la dumengia lura era la «miss chaura». Per l’alimentaziun stad a disposiziun ina tenda per radund 1’000 persunas. Era suenter l’Agrischa uffiziala datti in program, la societad da musica Brail, pli tard lura la gruppa d’orgel a man «Rümli Gäng» e per tartagnament enfin a bun’ura las trais datti musica dad ina gruppa dal Tirol.

Impressiuns da la sonda: bell'aura e fatschas rientas

Quai spetga a l'Agrischa 2026

Als visitaders e las visitadras da l’Agrischa a Zernez da questa fin d’emna spetgan ina exposiziun da muvel, in martgà da products e da masteranza purila. Circa 333 purarias da l’Engiadina, Val Müstair, Samignun e da las valladas dal sid sa preschentan sin la plazza da festa e martgà amez Zernez.

Ils organisaturs enturn Fadri Stecher da Sent spetgan cun 250 vatgas da latg sin plazza. Ma era chauras, asens e perfin alpacas duain procurar per la dretga atmosfera.

Sguards en il passà

600 gidanters e gidantras

La gronda tenda da festa duai esser in punct d’inscunter. Il program è bain emplenì, ma per organisar uschè ina festa èn necessaris numerus mauns che gidan.

Il comité d’organisaziun per l’Agrischa 2026 a Zernez sa cumpona da 19 persunas. Quellas han fin uss fatg la lavur d’organisaziun, però per che tut è pront per ils numerus aspectaturs ed aspectaturas da la festa, na dovra quai betg be organisaziun, mabain era l'entira installaziun.

Impressiuns da las lavurs

E quai dat lavur, co che il responsabel per la infrastructura, Reto Viletta ha badà fitg svelt.

Per quai, ma era per segirar ina festa per ils circa 10'000 aspectaturs ed aspectaturas che vegnan spetgadas, èn en acziun circa 600 gidanters ed gidantras.  

Era RTR è da la partida

La fin d'emna dals 25 e 26 d'avrigl 2026 èsi puspè uschè lunsch: L'Agrischa ha quest onn lieu a Zernez. Essas Vus era al lieu? Lura faschai ina visita al stan da RTR che sa chatta davant il center dal Parc Naziunal e scuvri il program multifar.

Sa participar vala la paina: Vus avais la pussaivladad da sa participar ad ina concurrenza e da gudagnar cun in pau fortuna in bel premi. Tut ils uffants dastgan sa legrar da noss gieu da pestgar andas cun grondius giveaways. Nus ans legrain da numerusas visitas.