Avair temp per sasez, sa recrear, far chaussas spontanas. Cun las vacanzas da levgiament che l’organisaziun dad MS (sclerosa multipla) porscha, pon confamigliars e confamigliaras che tgiran ina persuna pertutgada a chasa far vacanzas dal mintgadi da tgira. Durant quest temp èn persunas pertutgadas sezzas en vacanzas e vegnan tgiradas da voluntaris e voluntarias e da persunas dal fatg da l’organisaziun dad MS.
Ins sto adina esser preschent e guardar.
![Foto von Ruedi und Edith Wirz, Ruedi sitzt im Rollstuhl.](https://www.rtr.ch/static/cms/images/960w/9ae98e.jpg)
Edith Wirz da Bottmingen tgira ses um Ruedi ch’ha MS e sesa en sutga cun rodas. Ina da las sfidas cun in partenari cun in handicap è ch’ins è lià, di Edith Wirz. Far spontan insatge n’è betg simpel. E tut è cumplitgà. Ins sto guardar tge pussaivladads ch’i ha per la persuna en sutga cun rodas, sch’ella po ir là sin tualetta ed auter.
Ins n’ha betg pli sia sfera privata – igl è in ir e vegnir da la Spitex, da terapeuts ed auters.
Mintg’onn organisescha l’organisaziun dad MS set giadas, duas fin trais emnas vacanzas da levgiament. Ruedi Wirz è s’annunzià per trais emnas a Magliaso en il Tessin. El giauda las vacanzas, ils discurs cun auters pertutgads, las excursiuns e las spassegiadas.
A chasa vom jau darar ora malgrà sutga cun rodas electrica. Igl è privlus e sch’jau na vegn betg pli vinavant stoss jau spetgar fin ch’insatgi gida mai.
Durant las vacanzas da levgiament tgiran persunas voluntarias ils osps cun MS. In dad els è René Kurat da Sargans. El di ch’el fa quai perquai ch’el ha gugent la glieud e vul pussibilitar a persunas pertutgadas in bun temp. Ed a confamigliars che tgiran, engraziar per la tgira il rest da l’onn.
Igl è ina gronda responsabladad.
![Foto von Nicole Hunziker in Magliaso.](https://www.rtr.ch/static/cms/images/960w/e2e79e.jpg)
Per Nicole Hunziker ch’è ina da las manadras da las emnas da levgiament èsi impurtant da guardar che tut funcziunia senza incaps. Sper ils osps cun MS è ella er responsabla per las persunas voluntarias, per l’atmosfera e che tut giria bain.
Jau hai giudì mias libertads. Jau n' hai stuì prender resguard sin nagin. Jau hai pudì esser qua be per mai e tegnair tgira da mai.
![Foto von René Kurat.](https://www.rtr.ch/static/cms/images/960w/13b925.jpg)
![](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Faudio%2F2020%2F07%2Fb74bc5135ae54babb7fdc3d3e327f053.jpg&format=jpg&width=320)
L’ura da religiun è ina oasa da tempra religius-meditativa cun novitads or dal mund da las religiuns, predi/meditaziun e dapli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.