La pli gronda festa en la Val Müstair è la festa da racolta. Mintgamai l'emprima dumengia d'october datti in cortegi cun vatgas, chauras, asens e chavals – quels èn decorads e portan ils products da la racolta atras il vitg. Suenter il cortegi festiv preschentan e vendan las puras ed ils purs vid stans da martgà lur products. Part da la festa da racolta è tradiziunalmain er ina messa, divertiment musical, in toc da teater, program d'uffants ed anc bler dapli. La festa è er ina buna chaschun da s'incuntrar cun persunas dal vitg e giasts da vacanzas e dar ina paterlada.
Impressiuns da la festa da la racolta en la Val Müstair
-
Bild 1 von 4. Bildquelle: RTR.
-
Bild 2 von 4. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bildquelle: RTR.
Per la dumengia festiva sa mussa Valchava da sia meglra vart, ils curtins e las fontaunas vegnan ornadas, vid las chasas sgulatschan las bandieras. Il cortegi da tractors, chars ed animals cun la racolta fa sia via tras las giassas ed ils enturn 5000 aspectaturs ed aspectaturas che fan mintga onn part da la festa da la racolta.