Usits dal Grischun - Chalandamarz

Mintga onn il cumenzament da mars è temp per il Chalandamarz. In usit giagl e dad aut che vegn festivà prinzipalmain en Engiadina, Val Müstair, Bregaglia, Puschlav, Mesauc, Val d'Alvra ed il Surmir. Il prim da mars è durant tschientaners stà il cumenzament da l'onn, sco quai ch'ils nums dals ultims quatter mais da l'onn tradeschan anc oz. Uschia deriva l'origin dal term december da la cifra latina (decem), pia il dieschavel mais da l'onn, a partir dal prim da mars. Ditg devi il prim da mars er elecziuns communalas en las vischnancas.

Da Chalandamarz fan las scolaras ed ils scolars cun stgellas, chant e giaischlas in cortegi tras las vias dal vitg. La furma da l'usit è da vitg a vitg differenta. Tipicamain portan ils giuvenils ina chamischa blaua, ina chapitscha cotschna ed in faziel da culiez.

Chalandamarz: muntada ed istorgia

Il tierm Chalandamarz deriva dal latin «calendae». Ord quest pled è sa sviluppà il pled rumantsch «Chalanda». Quai munta «ils emprims dis d'in mais». Malgrà che l'usit vegn be pratitgà en intginas valladas grischunas è el enconuschent lunsch enturn. Grazia al cudesch d'uffants «Uorsin» da Selina Chönz cun illustraziuns dad Alois Carigiet, ch'è stà in bestseller, è il Chalandamarz vegnì renumà internaziunalmain.

Chalandamarz: pli baud ed oz

Fufragnai en temps passads. Sin nossa plattafurma nossaistorgia.ch vesais Vus co la tradiziun è vegnida celebrada pli baud.

Impressiuns da l'usit Chalandamarz

Chanzuns da Chalandamarz

Chalandamarz, chaland'avrigl... Durant il Chalandamarz chantan ils uffants e giuvenils mordio. Intginas chanzuns èn rimnadas qua per Vus.