Las discussiuns pervi da l'avegnir da la staziun intensiva dad uffants a l'Ospital chantunal han animà Flavio Deflorin, da s'occupar cun si'atgna istorgia.
En tschertga da sia istorgia
Sch’il schurnalist fa retschertgas per ses film davart uffants naschids memia baud, fa el il medem mument era retschertgas da sia atgna istorgia. Era Flavio è naschì memia baud, en la 25avla emna da la gravidanza, a l'ospital a Glion. Ina sfida, betg mo per el, ma cunzunt era per ses geniturs.
Sfida per il poppin e tut sia famiglia
Quai n’è betg sa midà. Er oz, 35 onns pli tard, èn uffants che naschan memia baud ina sfida per la famiglia, ha il schurnalist eruì cun s’occupar dal tema. En «Vita e cretta» raquinta Flavio Deflorin da sia visita en la neonatologia a Cuira, 35 onns suenter ch’el sez è stà in da quels poppins che dovran tgira intensiva per pudair surviver e tge che quai ha effectuà per ses film.
L'entira istorgia da Flavio Deflorin e las naschientschas prematuras datti da leger e vesair qua:
Questa dumonda occupa actualmain almain 30’000 persunas. Tantas èn numnadamain s’engaschadas en ina petiziun per mantegnair la staziun intensiva dals uffants a Cuira.
Che la staziun intensiva è periclitada ha da far cun la IVHSM, la Cunvegna interchantunala davart la medischina autspezialisada. La IVHSM vul abgiuditgar a l’Ospital chantunal dal Grischun dad avair ina partiziun intensiva per uffants novnaschids u naschids prematuramain.
Sche quai capitass, argumentescha l’ospital, na possia el betg pli mantegnair ina staziun intensiva per uffants e stoppia stritgar quella.
Cunter quests plans datti gronda opposiziun – betg be da l’ospital ed en il Grischun, ma era dad expertas ed experts da la medischina d’uffants svizra, che din che la staziun intensiva per uffants a Cuira saja relevanta per ch’il sistem svizzer funcziunia insumma.
La decisiun dal gremi IVHSM è pendenta. Ella vegn spetgada questa primavaira.
Or da l'archiv: