«La mancanza da persunal è IL grond problem economic dal Grischun en l'avegnir.», quai di Maurus Blumenthal, directur da l’Uniun d'artisanadi e mastergn. En questa Marella dal favrer avevan nus discutà cun blers mainafatschentas ed impressaris ed els tuts conferman che lavur saja d'enturn detg avunda. Sch'els hajan dentant dad ir a la tschertga da persunal qualifitgà, saja quai fitg stentus u magari gnanc pussaivel. Sin inserats na dettia strusch annunzias e schebain che la lavur lubiss dad engrondir ina firma u l'autra, manca il persunal per pudair far quai. Ed il problem virulent fatschenta era la politica.
La Marella metta a lieu, e discuta cun tuts involvids davart motivs e soluziuns pussaivlas.
Questa Marella ha dat da discutar ed uschia proseguin cun la tematica ed ans deditgain l’emna che vegn tar RTR en differentas contribuziuns e discussiuns cun la mancanza da mastergnants.
