A San Murezzan vivan l'entir onn radund 5'200 persunas. Ina vischnanca nua ch'ins enconuscha in a l’auter. Durant la stagiun auta è quai però tut auter. La vischnanca crescha ed il vitg da muntogna daventa in lieu d'inscunter global per ritgs, promis ed amaturs dal luxus. Uschia sa tranfurma il vitg ad ina citad cun var 20'000 abitantas ed abitants.
La Marella illuminescha il temp curt avant ch’il grond travasch da Nadal cumenza e fa ina spassegiada durant ina saira tras il vitg. Ils inscunters èn multifars. Dal magister da skis, sur la vendidra da cudeschs fin tar l’hotelier che giauda anc ils dis avant las festas en la bar cun in ami.
-
Bild 1 von 17Legenda: Il simbol da San Murezzan che è ina marca protegida dapi il 1930. RTR -
Bild 2 von 17Legenda: La chasa communala da San Murezzan vegn er illuminada cun in'entira inscenziun da glisch. RTR
-
Bild 3 von 17Legenda: Il tipic sulegl che traglischa las sairas a San Murezzan. RTR
-
Bild 4 von 17Legenda: Gian Andri Janett lavura quest enviern sco magister da skis a San Murezzan. RTR
-
Bild 5 von 17Legenda: In'egliada dat la Marella er en la bar entamez San Murezzan. RTR
-
Bild 6 von 17Legenda: En la bar èn tranter auter Mauro de Pedrini e Franz Leder. RTR
-
Bild 7 von 17Legenda: ed ina butia exclusiva suenter l'autra.... RTR
-
Bild 8 von 17Legenda: RTR
-
Bild 9 von 17Legenda: surtut en la zona da peduns èn las grondas chasas da moda da chasa. RTR
-
Bild 10 von 17Legenda: En las vaidrinas vestgadira che n'è betg en il budget da mintgina e mintgin. RTR
-
Bild 11 von 17Legenda: Martina Gorfer abita e lavura a San Murezzan. L'advocata giauda ina spasegiada cun ses chaun Nina. RTR
-
Bild 12 von 17Legenda: L'illuminaziun da l'hotel Badrutt's Palace Hotel cun la tipica tur. RTR
-
Bild 13 von 17Legenda: Ina da las adressas per delicatessas a San Murezzan è la butia Geronimi. RTR
-
Bild 14 von 17Legenda: Avant ch'il salmun vegn fimentà, datti anc ina mixtura secreta à la Geronimi. RTR
-
Bild 15 von 17Legenda: Fabio Tempini controlla il salmun che vegn fimentà. RTR
-
Bild 16 von 17Legenda: Fabio Tempini ha surpiglià l'affar Geronimi Comestibles a San Murezzan il 2021. RTR
-
Bild 17 von 17Legenda: En la butia datti da tut las spezialitads pussiblas. Tranter auter er products cun triflas, pesch, giombers da mar. RTR
Far shopping a San Murezzan fa gust
Ina ch'enconuscha la vita da luxus a San Murezzan è Vera Dillier – e nus avain pudì accumpagnar ella. Cun ella avain nus survegnì in’invista en la vita speziala a San Murezzan. Il shopping è quai che Vera Dillier e ses partenari Josef fan fitg gugent – numnadamain ha ina bun’amia ina boutique exclusiva amez il vitg – e quella avain nus visità ensemen cun els e ses chaunins Timmy e Quinny.
-
Bild 1 von 10Legenda: San Murezzan Durant l'enviern sa transfurma il vitg muntagnard cun 5'200 abitantas ed abitants ad ina citad cun var 20'000 abitantas ed abitants. RTR
-
Bild 2 von 10Legenda: Vera Dillier e ses partenari Josef vivan a San Murezzan e giaudan ina vita luxuriusa. RTR
-
Bild 3 von 10Legenda: Vera Dillier e ses partenari Josef cumpran en gugent a San Murezzan. RTR
-
Bild 4 von 10Legenda: Da vegnir cussegliada d'ina bun'amia tutga tar l'aventura da shopping da Vera Dillier. RTR
-
Bild 5 von 10Legenda: 800 kilos salmun, quai basta fin ils 6 da schaner. RTR
-
Bild 6 von 10Legenda: Ils process da fimentar salmun dura 10-14 dis RTR
-
Bild 7 von 10Legenda: La delicatessa salmun vegn stimada da turists, indigens & cuschiniers da las villas a San Murezzan. RTR
-
Bild 8 von 10Legenda: L'enviern vegn San Murezzan decorà cun il sulegl enconuschent per «Top of the World». RTR
-
Bild 9 von 10Legenda: 320 sulegls vegnan montads en l'entir vitg da San Murezzan. RTR
-
Bild 10 von 10Legenda: Ils sulegls procuran per atmosfera da Nadal. RTR
Delicatessas per in e mintgina
Durant ils dis da festa vegn per regla er mangià pli exclusiv. Entant ch’ins enconuscha tar nus per exempel il filet en pasta u er il tradiziunal Fondue chinoise, vegn servì als bels e ritgs da la High Society anc tut autras buntads.
La firma Geronimi Commestibles a San Murezzan è ina da las adressas nua che er ils hotels da quatter e tschintg stailas empostan las vivondas. Da caviar, sur triflas enfin tar giomber da mar datti da tut en l’affar ch’exista dapi 97 onns.
Durant nossa visita mez november han las lavurs da preparaziun cumenzà ed il manader da gestiun da Geronimi a San Murezzan, Fabio Tempini, ans ha laschà accumpagnar durant il fimentar salmun. En tut 1’300 peschs che han dad esser pronts per ils dis da festa.
Per nus è il temp tranter Nadal e Bumaun il pli dir da l’onn, ma nus ans legrain er cunquai ch’avain bler da far. Igl è er bel, quai che nus cumprain en è dalunga puspè vendì.
Trais giadas l’emna arriva in camiun cun pesch e delicatessas. Quellas derivan da tut il mund a San Murezzan. Enconuschenta è la butia Geronimi entamez San Murezzan surtut er per ses salmun fimentà che vegn marinà tenor in recept secret.
Il sulegl «Top of the World»
En Engiadin'Ota sin 1856 m s.m. splendura a San Murezzan il sulegl fitg savens. Precis quest sulegl è vegnì protegì tras la lescha dal 1930 sco simbol dal lieu. Oz splendura quel sulegl era sco decoraziun da Nadal en l’entir vitg – als ins plascha’l ed als auter main. Gusts èn gusts, quai manegia era Luca Braun, ils schefmontader da l’EW San Murezzan.