Jau n’hai vairamain gì nagina reacziun negativa sin mia canditatura.
La furmaziun da guida dastgan las dunnas far pir dapi 1977. L’emprima guida è Nicole Niquille stada, ella è vegnida diplomada il 1986. L’emprim um è vegnì diplomà 1906. Ch’i dettia anc suenter 55 onns adina uschè paucas dunnas ch’elegian quest mastergn declera Rita Christen cun il fatg che dunnas han ina pli gronda aversiun envers ristgas. Quai che sa mussa era en las statisticas d’accidents – dunnas han damain accidents.
Dapi ch’ella è presidenta vegn ella adina puspè dumandada tge che l’associaziun fetschia per promover las dunnas.
Nagut. Quellas dunnas che vegnan ston gia esser sin quai nivel. La promoziun sto entschaiver pli baud. Per cletg fan autras associaziuns bler, per exempel il Club alpin svizzer e Giuventetgna e sport.
-
Bild 1 von 15. Rita Christen en ina ruta da raiver cun il grad da difficultad 8. Bildquelle: RTR.
-
Bild 2 von 15. Rita Christen, presidenta da l’associaziun dals guids da muntogna svizzers. Bildquelle: RTR.
-
Bild 3 von 15. Rita Christen maina la redactura dals Cuntrasts Bertilla Giossi sur il fil cun il num «fil da la tartaruga». Bildquelle: RTR.
-
Bild 4 von 15. Rita Christen, ina buoba che saveva tge ch’ella vuleva. Bildquelle: RTR.
-
Bild 5 von 15. Rita Christen e Lucas Derungs durant ils examens finals dals guids da muntogna. Bildquelle: RTR.
-
Bild 6 von 15. Il nov diplomà guid da muntogna Lucas Derungs survegn ses diplom. Bildquelle: RTR.
-
Bild 7 von 15. Rita Christen e la redactura da Cuntrasts Bertilla Giossi arrivadas sin il spitg. Bildquelle: RTR.
-
Bild 8 von 15. Rita Christen e la redactura da Cuntrasts Bertilla Giossi sin il Chli Bielenhorn. Bildquelle: RTR.
-
Bild 9 von 15. Rita Christen, presidenta da l’associaziun dals guids da muntogna svizzers. Bildquelle: RTR.
-
Bild 10 von 15. La guida da muntogna Rita Christen e la redactura dals Cuntrasts Bertilla Giossi sin il «fil da la tartaruga» en la regiun dal pass dal Furca. Bildquelle: RTR.
-
Bild 11 von 15. La guida da muntogna Rita Christen e Nicole Niquille, l’emprima guida da muntogna svizra sin il Breihorn. Bildquelle: Jamboree Productions.
-
Bild 12 von 15. Rita Christen, presidenta da l’associaziun da guids da muntogna durant la festa da brevet per ils novs guids da muntogna 2022. Bildquelle: RTR.
-
Bild 13 von 15. Raiver è la disciplina preferida da la guida da muntogna Rita Christen. Bildquelle: RTR.
-
Bild 14 von 15. Pausa cun ina preziusa vista sin il «fil da la tartaruga». Bildquelle: RTR.
-
Bild 15 von 15. Rita Christen e ses figl giuven Julian Kreiliger. Bildquelle: RTR.
Oriunda è Rita Christen dad Urnäsch, ella viva dentant dapi prest 30 onns cun ses um Martin Kreiliger e ses dus figls Armon e Julian a Mustér. Ensemen cun ses um ha ella decidì ils onns 1990 da far la furmaziun da guid da muntogna. Dapi 1998 è ella guida. Ella è stada la 9avla dunna che ha fatg ils examens da manar. Oz lavura ella parzialmain sco guida.
Jau hai uschè gugent ils culms, dentant mo culms chat jau lungurus.
In bun equiliber per la lavur en ils culms è per ella sia lavur tar la dretgira administrativa. Rita Christen è sper guida era anc giurista e lavura parzialmain sco actuara da dretgira.
Tar tut las disciplinas che tutgan tar la lavur da guida è il raiver sia preferida. Il raiver è er in bun equiliber per la lavur intellectuala da giurista. Uschia passenta ella gugent las uschenumnadas pausas da café en halla da raiver. Il pli gugent fa ella quai cun in da ses figls.
Ella è anc adina meglra ch’jau da raiver, era pli ferma che auters giuvens che raivan. Quels guardan lura schon in zic tup, sch’ella dumogna quai ch’els na dumognan betg.
Invista davos las culissas
Impressiuns da las filmadas
-
Bild 1 von 12. Davosas preparaziuns per entschaiver la ruta da raiver sur il fil da la tartaruga. Bildquelle: RTR.
-
Bild 2 von 12. Roman Schmid cun sia camera adina uschè damanaivel sco pussaivel. Bildquelle: RTR.
-
Bild 3 von 12. Per la filmada en la paraid vegn l'um da camera Roman Schmid segirà da surengiu. Bildquelle: RTR.
-
Bild 4 von 12. Roman Schmid filmond l’intervista. Bildquelle: RTR.
-
Bild 5 von 12. Buna posiziun per ina survista dal «fil da la tartaruga». Bildquelle: RTR.
-
Bild 6 von 12. Emprimas filmadas la damaun marvegl avant la chamona Sidele. Bildquelle: RTR.
-
Bild 7 von 12. Il team da la filmada: Roman Schmid (um da camera), Rita Christen, Bertilla Giossi (redactura), Lucas Derungs (guid da muntogna per l’um da camera). Bildquelle: RTR.
-
Bild 8 von 12. Filmada al pe dal Piz Palü. Ils examens finals dals aspirants e da l’aspiranta da guid da muntogna. Bildquelle: RTR.
-
Bild 9 von 12. Filmada durant ils examens. L'aspirant Lucas Derungs maina ses «giast» Rita Christen tras il percurs. Bildquelle: RTR.
-
Bild 10 von 12. Um da tun: Jürg Rageth. Bildquelle: RTR.
-
Bild 11 von 12. Team da la filmada sin il glatscher Pers: Roman Schmid (um da camera), Lucas Derungs (aspirant), Bertilla Giossi (redactura), Jürg Rageth (tecnicist da tun), Rita Christen, Marcel Schenk (guid da muntogna per segirar um da camera). Bildquelle: RTR.
-
Bild 12 von 12. En halla da raiver, Rita Christen e ses figl Julian che segira. Sin la plattafurma idraulica: Roman Schmid. Bildquelle: RTR.