Il turissem alpin en Engiadina aveva cumenzà cun las emprimas muntadas sin il Piz Bernina ed il Piz Palü. Paucs onns suenter, l’onn 1871, è vegnida fundada la societad da guids da muntogna a Puntraschigna. Oz, passa 150 onns pli tard, è il guid che maina ils alpinists e giasts sin pizs e tras vals anc adina dumandà.
La professiun da guid da muntogna n’è betg ina ch’ins stuess spulvrar, anzi ella è gist durant quest temp anc pli dumandada.
Impressiuns
-
Bild 1 von 4. Festa da giubileum . Dominik Hunziker, Markus Locher, Urs Tinner ed Alberto Rogantini. Bildquelle: RTR, Ulrica Morell.
-
Bild 2 von 4. Festa en il pitschen rom. Matthis Roffler, Markus Locher, Alberto Rogantini. Bildquelle: RTR, Ulrica Morell .
-
Bild 3 von 4. Attracziun per famiglias. Raiver è in sport bainvesì er tar ils pli pitschens. Bildquelle: Ulrica Morell .
-
Bild 4 von 4. Raiver è in dals sports da trend. Purschidas sco la senda enferrada a Puntraschigna attiran giuven e vegl. Bildquelle: Ulrica Morell.
Midà n’è betg bler tar la professiun dal guid da muntogna, uschia Marco Mehli da La Punt Chamues-ch. L’anteriur president da l’associaziun da guids da muntogna svizra è perquai da buna speranza ch’i dat er en l'avegnir avunda aspirants che vulan emprender e s’engaschar a favur dals guids.
Cun l'occasiun dal giubileum da 150 onns guids da muntogna ha la societad planisà ina gronda festa per tut la populaziun. Causa corona ha entant gì lieu ina festa en il stretg ravugl. Previs è ina festa pli gronda l’atun.