Chasa Laim – Bogn d'Alvagni
Bajegiada il 1850 sco dachasa per la famiglia Laim è la chasa er vegnida duvrada sco lieu da lavur e scola. Passa 50 onns na serva il bajetg dentant betg pli a l’educziun e be paucs han dapi lura vis l’intern.
Sin trais auzadas ed in plaun sut il tetg datti numerusas stanzas e fastitgs che raquintan dal passà.
Hotel Scaletta – S-chanf
Gist sper la plazza dal vitg, amez S-chanf, sa chatta l’hotel Scaletta. Quel è dentant serrà dapi il 2013. Pliras stgalas e nundumbraivels corridors pon manar ad ina destinaziun en chasa. Igl è bunamain in labirint, almain ha Dominik spert ina giada pers la survista.
L’acuforta – San Bernardino
La funtauna minerala ch'ha caracterisà il lieu è cun gronda probabilitad almain 3'500 onns veglia. Ins smina che gia ils Romans han nizzegià l'aua da San Bernardino. Tut ha cumenzà sco bigl, è dentant sur ils onns vegnì extendì tar in indriz d'embuttigliar.
Ord l'archiv: Ina tura tras il Bogn Tenigia
In hotel medemamain serrà, dentant senza plans concrets per il futur, è il Bogn Tenigia en Val Sumvitg. L'avust passà ha il nov pedel avert las portas e fatg ina pitschna tura privata tras il temp.
