Il fieu è il sulet element che na sa betg exister persul. I dovra nutriment per insumma savair arder per exempel en furma da laina ed aria. Sche quai material è consumà stizza era il fieu. Nus survegnin chaud e glisch dal fieu – en la pli gronda furma dal sulegl. Cun quel avain qua sin terra gì cletg – fiss il mund in zic pli datiers dal sulegl fiss noss planet in sulet grond desert, in zic pli lunsch davent ed i fiss be in quadrin da glatsch.
Era uschiglio durant noss mintgadi duvrain nus adina puspè quest element. Noss autos van per il mument anc cun motors termics e divers process chemics dovran la chalira per funcziunar. Na betg d’emblidar è la glisch – Senza quella na vesain nus carstgauns betg bler ed era il ciclus da durmir fiss senza la glisch disturbads. Perquai dechantan «Noss chors» en l’emissiun actuala la glisch, il sulegl ed il fieu en differentas furmas.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
