Sin viadi en ils culms vid ina funtauna frestga, en in lai alpin, sper la mar, u in urizi frestgentond suenter in di da chaliras. L’aua vegn giudida ed appreziada en tuttas furmas. Simbolicamain stat l’aua per la vita, per il moviment dentant era per ruaus, clerezza e purezza. L’aua na gida betg mo als process en il corp dal carstgaun mabain ha era istoricamain giugà in’impurtanta rolla.
Perquai dechantan ed onureschan ins l’aua era en bleras chanzuns rumantschas. En quest’emissiun faschain nus in sguard sin tut differentas furmas da l’aua, davent da la plievgia, in lajet fin tar istorgias che capitan cun ed enturn l’aua.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
