Dals 2 fin ils 4 da favrer ha gì lieu a Cuira la concurrenza svizra dals chors. Igl è stà la 11avla ediziun dapi l’onn 1988 che la concurrenza ha per l’emprima giada gì lieu a Schaffusa. Dapi l’ultima giada han amaturas ed amaturs da chors gì da spetgar in zic pli ditg – l’ultima giada è numnadamain stada 2017 ad Aarau.
En la pli veglia baselgia da Cuira èn la sonda en tut 20 chors sa preschentads. Quai en las categorias «chors da dunnas», «chors virils pitschens», «chors maschadads» e «chors virils». En l’emissiun dad oz pudain tadlar ina selecziun da las registraziuns che RTR ha fatg durant quai di.
Istoricamain è il Martinsplatz davant la baselgia tranter Obertor ed Untertor stà il punct central dal transit. Era la sonda durant la concurrenza svizra dals chors hai dà bler traffic en ed enturn la baselgia. Sin tribuna eran chors da l’entira Svizra che han preschentà in program variant.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
