Pir avant curt ha ANIKK publitgà cun «Tgi eis ti?» sia emprima single. Online e sin social media han ins gia differentas giadas udì la vusch da la chantadura da Sagogn. Ina giada per exempel en connex dal project communabel da la SRG per la festa da l’emprim d’avust cun la chanzun «Nus essan in» . Autras giadas en las raits socialas cun preschentaziuns e concerts per englais.
La musica è schon adina stà mes lieu preferì.
La musica è gia fitg baud stada ina fitg impurtanta part da sia vita. Cumenzà ha ella sco battarista ed ha accumpagnà autras chantaduras e chantadurs. Pli tard ha ella fatg il pass enavant vid il microfon nua ch’ella preschenta cun ghitarra sias atgnas chanzuns. Savens tractan quellas chanzuns cuntegns persunals. Quellas influenzas audan ins era tar «Tgi eis ti?». Igl è ina chanzun cun bler ritmus e schlantsch che animescha da sautar – qua audan ins forsa era la battarista Anik. La chantautura ANIKK sentan ins lura el text ch’emprova da motivar ins da tadlar meglier sin la vusch interna. Quest messadi pachetà en la chanzun da pop «Tgi eis ti?» po ella ussa preschentar durant il zercladur en ils radios da RTR, SRF3, Couleur 3 e Rete Tre.
Cun ina interfatscha speziala per quella ura cuntanscha RTR ultra da quai era il club dal radio interactiv e ta pussibilitescha d’emetter live tes songs svizzers preferids. Qua en il studio virtual has ti la pussaivladad da selecziunar fin 4 titels che van lura sur l'emettur. Ti ès vi dal pult da mixagi, giauda tia DJ-ada!
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.