Dapi trais onns è el cun sias chanzuns da pop in favurit dals radios svizzers. Entaifer curt temp ha il multi instrumentalist era rimnà blers fans en Svizra. Il fegl d’ina Iranaisa ed in Svizzer ch’è naschì a Son Gagl e creschì si en il chanzun Appenzell è il 2019 vegnì scuvrì da SRF3 ed elegì sco Best Talent. Benjamin Amaru ha per propi num Benjamin Widmer – il num d’artist “Amaru” deriva da l’ultim retg dals Incas “Túpac Amaru”. Uss ha el gia fatg ina pitschna turnea tar noss vischins en Germania ed Austria. En «Not High On Drugz» chanta el dal pli bel sentiment: da la charezzia, da l’esser inamurà en la vita ubain en ina persuna speziala. Durant l’avust è sia nova single d’udir en ils radios da SRF 3, Couleur 3, Rete Tre ed RTR.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
