Anfang Bildergalerie
Bildergalerie überspringen
-
Bild 1 von 15. Ils rappers da «2kmafia» han gudagnà l'occurenza bandXost 2024 ed astgan perquai sa preschentar gia per la segunda giada a l'Open Air Lumnezia. Bildquelle: 2kmafia.
-
Bild 2 von 15. La chantadura da berna «Leila» ha cun «Gun To My Head» gia in grond hit sin Spotify ed ha in cuntract cun in label tudestg – cun siu stil da pop-rock-punk ha ella pia gia in pau success sur ils cunfins o. Bildquelle: Grönland Records.
-
Bild 3 von 15. La chantadura grischuna Any Sabadi cun la gronda vusch fa musica da pop e soul ed ha l'atun 2024 publitgà si'emprima EP. Bildquelle: RTR.
-
Bild 4 von 15. Il giuven chantautur «Cossmo» porta sia musica da pop fina e ruassaivla dal Lai Rivaun en Lumnezia. Bildquelle: Cossmo.
-
Bild 5 von 15. Per ils fans dal classic rock sa preschenta la gruppa «Reviväl» enta Degen. Bildquelle: Reviväl.
-
Bild 6 von 15. Marian Heim alias Majan è in rapper tudestg che fa dapi 2019 musica. Dapi lura ha el publitgà diversas singles ed EPs ed il 2023 accumpagnà Peter Fox sin sia turnea. Bildquelle: Majan.
-
Bild 7 von 15. Il duo d'electro pop svizzer «Ikan Hyu» han gia sunà cun Royal Blood ubain Sofi Tukker e stattan il 2025 sin tribuna a Degen. Bildquelle: Gadget.
-
Bild 8 von 15. Dapi 2007 fan ils DJs e producents Johannes Gehring e Christopher Rabai musica sco duo «Drunken Masters» (maletg da simbol). Bildquelle: Pixabay.
-
Bild 9 von 15. Ils rappers da Sektion-Züri performeschan en dialect turitgais. Bildquelle: Keystone.
-
Bild 10 von 15. Il rapper tudestg da Mannheim «GReeeN» cumbinescha Rap, Reggae e Dancehall per crear ses agen stil. Bildquelle: Keystone.
-
Bild 11 von 15. La chantautura tudestga Zoe Wees da Hamburg è daventada enconuschenta il 2020 cun sia chanzun «Control». Bildquelle: Keystone.
-
Bild 12 von 15. Il duo da House franzos «Ofenbach» cun ils dus DJs César Laurent de Rummel e Dorian Lauduique. Bildquelle: Keystone.
-
Bild 13 von 15. Ils veterans da la musica svizra: Patent Ochsner. Els vegnan gievgia sin tribuna a Degen. Bildquelle: Keystone.
-
Bild 14 von 15. Il DJ e producent beltg «Lost Frequencies» è 2025 per l'emprima giada a Degen. Bildquelle: Keystone.
-
Bild 15 von 15. La band svizra «Hecht» sin tribuna da l'Open Air Lumnezia 2019. Bildquelle: RTR.
Ende der Bildergalerie
Zurück zum Anfang der Bildergalerie.
Forsa han ins anc en l’ureglia ed en memoria in u l’auter highlight da l’Open Air Lumnezia 2024. Ed uss cumparan gia ils emprims acts da la 39avla ediziun. Qua chattais pass per pass las musicistas ed ils musicists che fan l'onn 2025 il viadi enta Degen sin la tribuna gronda.
Per sa regurdar vi da l’ediziun passada e laschar reviver las memorias pudais guardar qua tge ch’è capità l'onn 2024:
Visitais vus stedi il festival lumnezian e savais ina u l’autra chaussa? Lura pudais testar vossa savida en il quiz: