Durant la stad datti en il Grischun divers Open Airs e concerts. In dals enconuschents è il festival en Lumnezia. Tuttas occurrenzas porschan in program musical variant. La band «NoFuture» èn dapi bun 20 onns osp sin las tribunas grischunas ed han fatg cun nus in sguard sin il mund dals festivals.
1 / 10
Legenda:
NoFuture
Han manà musicalmain tras l’emissiun.
RTR
2 / 10
Legenda:
La band ha preschentà oravant tut chanzuns da lur album actual «XII».
RTR
3 / 10
Legenda:
Chantadur e ghitarrist Samy Schmid e bassist Andri Arpagaus.
Durant l'intervista han els discurrì davart concerts, festivals e lur album actual.
RTR
4 / 10
Legenda:
Bassist Andri Arpagaus e ghitarrist Samy Schmid partan durant insaquantas chanzuns il microfon.
RTR
5 / 10
Legenda:
Ina trumbetta ed ina posauna èn in’impurtanta part per la musica da NoFuture.
RTR
6 / 10
Legenda:
Ina carriera da bun 20 onns ha pinà la gruppa da Glion e conturn per concerts ed era in’emissiun filmada.
RTR
7 / 10
Legenda:
Larissa Wingeyer da l’Openair Chapella ha discurrì davart il festival engiadinais e la coaliziun da divers festivals pitschens Grischuns.
RTR
8 / 10
Legenda:
Per ina Liveband sco NoFuture n’astga natiralmain era la battaria betg mancar – qua cun il battarist Armin Candrian.
RTR
9 / 10
Legenda:
Dus candidats dal public en il studio han savì gudagnar dus «Golden Tickets» per tut ils pitschens festivals grischuns.
RTR
10 / 10
Legenda:
Trumbettist Remo Derungs, battarist Armin Candrian, moderatur Elias Tsoutsaios, chantadur e ghitarrist Samy Schmid, posaunist Fabian Sgier e bassist Andri Arpagaus.
RTR
En il Grischun cumenza la stad la stagiun dals festivals, concerts e la musica el liber. Sper grondas occurrenzas sco per exempel Open Air Lumnezia ubain il Big Air datti insaquants festivals pli pitschens. En l’emissiun da la «Late Lounge Festival» avain tematisà quella scena da musica.
La band «NoFuture» da Glion fan dapi bun 20 onns musica ed han gia savì sunar sin las tribunas da divers festivals Grischuns. Els han accumpagnà musicalmain tras l’emissiun.
Uschia pudais guardar l'emissiun
Avrir la boxSerrar la box
A partir da dumengia las 17.00 sin Play RTR
NoFuture
audio
Tge mussa la Late Lounge Festivals
05:19 min, ord Actualitad dals 06.05.2023.
Maletg: RTR
laschar ir. Durada: 5 minutas 19 Secundas.
audio
Quai è stada la Late Lounge Festivals
04:02 min, ord Actualitad dals 08.05.2023.
Maletg: RTR
laschar ir. Durada: 4 minutas 2 Secundas.
Tar la band da Glion hai durant lura carriera gia dà diversas midadas. Per exempel cun commembras e commembers che han bandunà ubain han puspè cumplettà la band. Era lur stil da musica ei sa sviluppà durant varga 20 onns. Cumenzà han els cun punk, curt suenter cuntinuà cun reggae e ska enfin tar lur stil actual che la band sezza numna Brass-Rock cun ina presa funk. Lur svilup musical è da chattar sin tschintg albums da studio – l’ultim è cumparì l’entschatta 2023.
Discografia
Avrir la boxSerrar la box
«Wohri Fründschaft» (2008)
«Absolut Porno» (2009)
«Il Mument» (2011)
«Chapters Of Life» (2016)
«XII» (2023)
«NoFuture» è dentant oravant tut ina band che suna gugent live sin las tribunas. Els han tranter auter gia astgà sunar trais giadas sin la tribuna da l’Open Air Lumnezia sco era a divers festivals grischuns ed han era fatg turnea enturn la Svizra.
