La populara - Oesch’s die Dritten: «Händmade», lur 17avel disc

«Oesch’s die Dritten», quai è ina dinastia musicala cun gronda tradiziun. Gia lur tat Hans era in musicant da vaglia ed er Hansueli Oesch, il bab ha sunà en diversas furmaziuns, uschia er tar la chapella «Schwyzerörgeliquartett Stockhorn». Uss è lur chapella da famiglia en il center, e quai gia dapi 27 onns. Da la partida èn Hansueli ed Annemarie, lur uffants Kevin, Mike e Melanie e l’accordeonist Urs Meier.

Lur furmaziun è ina da las pli popularas en Svizra ed ha er success en Austria e Germania ed els han fatg var 2000 concerts en 14 pajais ed han ramassà discs d’aur e platin per la vendita da lur albums.

«Oeschs die Dritten», quai era l’emprim ina furmaziun cun ils uffants che faschevan musica e chantavan è che fascinavan il public. Il 2007 han els gì lur emprim grond success cun il disc «Jodelzauber» – e cun il «Ku-Ku Jodel» datti in onn pli tard in semperverd ch’ins enconuscha anc adina. La furmaziun da famiglia è lura stada giast en emissiuns da radio e televisiun sco il «Musikantenstadl», e lur popularitad crescha, surtut er pervi da Melanie Oesch che chanta e jodlescha, il star da la famiglia che è vegnida mamma la primavaira passada.

Uss è cumparì lur 17avel disc cun il titel «Händmade» che cuntegn puspè blera musica populara cun orgelet ed er auters stils, cun bler schlantsch, chant e divertiment. E mintgin e mintgina ha almain ina da sias cumposiziuns sin il disc nov:

https://www.oeschs-die-dritten.ch/     

Oesch's die Dritten

Podcast La populara

La musica populara dal Grischun e da la Svizra chatta ses lieu en questa emissiun.

Ulteriurs audios e podcasts