Buna atmosfera, la pli diversa musica per cor ed ureglias ed ina bella culissa a mez la natira. Tut quai porschan ils festivals ed open airs ch'han lieu durant la stad en las pli differentas regiuns dal Grischun. Durant la stad ha RTR rapportà regularmain d'intginas da questas occurrenzas cun emissiuns live, fotografias e contribuziuns.
Survista cumpacta dals open airs e festivals en il Grischun
- 3-05 e 4-05: Indoor Festival Disentis
- 7-06 enfin 09-06: Bergfahrt Festival Bergün
- 04-07 enfin 28-07: Festival da Jazz St. Moritz
- 11-07 enfin 13-07: Openair Bivio
- 11-07 enfin 14-07: Buatsch Festival
- 12-07 enfin ils 14-07: Openair Rheinwald
- 13-07: FestiVal Medel
- 19-07 enfin ils 21-07: Openair Safiental
- 25-07 enfin 27-07: Open Air Lumnezia
- 2-08 e 3-08: Openair Malans
- 2-08 enfin 4-08: Chapella Open Air
- 2-08 enfin 4-08: Rapid Openair
- 2-08 enfin 4-08: Openair Cavaglia
- 9-08 e 10-08: ROCKseDRUN
- 16-08 enfin ils 18-08: fids
- 14-09: Arcas Rock
Differentas autras occurrenzas e festas culturalas chattais Vus sin: www.chalender.ch . Qua datti la survista dals Line Ups 2024:
Open Air Malans
En il vitg da vin pon ins mintgamai la stad era giudair concerts. Surtut musica svizra è d’udir al Open Air Malans. L'open air ha lieu sin il prà tranter Malans e Landquart che vegn numnà «Schanz Tratt». Quest onn èn sur ils dus dis bleras bands svizras sin il palc, quai è il line up dal Open Air Malans 2024:
-
Bild 1 von 2Legenda: RTR -
Bild 2 von 2Legenda: RTR
Indoor Festival Disentis
Durant la prima fin d'emna da matg sa mida il center fontauna a Disentis/Mustér en ina sala da concert.
venderdi, ils 03-05-2024
- 20:30 Clique 713
- 22:00 Teuterkordz
- 23:30 KT Gorique
- 00:30 DJ Ruff
sonda, ils 04-05-2024
- 20:00 Dario Hess Band
- 21:30 Zian
- 23:00 Stefanie Heinzmann
- 00:30 DJ GRO
Openair Bivio
Sin 1'900 meters sur mar ha l'open air lieu sut il motto «Vesair, sentir ed udir».
Openair Rheinwald
Dapi bun 30 onns ha il festival lieu en il guaud nair sper Nufenen.
Openair Safiental
Amez culms, guaud e dutgs alpins – quai è il pitschen festival en la Stussavgia.
Open Air Lumnezia 2024
Dals 25 fin ils 27 da fanadur rampluna puspè la tribuna enta Degen a l’Open Air Lumnezia 2024.
Buatsch festival
Il festival che ha lieu en l’entir vitg da Tersnaus e porscha sper musica era art e divers puncts da program.
Festival da Jazz St. Moritz
Durant in entir mais s’inscuntra la scena da Jazz ed artistas ed artists d’auters geners en divers locals a Son Murezi.
Chapella Open Air
Il festival en l’Engiadina è gia vegnì numnà il «Woodstock» en il Grischun ed è in festival ch’è era bain adattà per famiglias.
Ils organisaturs da l’Open Air Chapella èn cuntents cun lur festival. Cun il program da musica equilibrà hajan ins pudì persvader pitschen e grond, scriva il comité d’organisaziun. Ed era la bell’aura haja procurà per in public cuntent. Var 350 visitadras e visitaders èn stads a la 42avla ediziun da l’Open Air Chapella. Quel è il pli vegl open air dal Grischun.
Rapid Openair
Al cumenzament era in vehichel da rapid il palc da l'open air – perquai era il num dal festival. Uss è quai betg pli il cas, dentant èn divers rapids en acziun per transportar chaussas sin il terren da l'open air.
Openair Cavaglia
L'Openair Cavaglia ha lieu davent da venderdi enfin dumengia. Quai mintgamai cun in mix da concerts da tut gener ed ateliers.
ROCKseDRUN
Il pitschen festival sisum la Surselva ha l’avust lieu per la 7avla giada.
Fids
Fids – ubain «Fescht in da Staina» è il festival a Churwalden e porscha differentas activitads sper la tribuna.
Arcas Rock
Ils 14 da settember ha lieu l'Arcas Rock a Cuira. Qua chattais il line up: