L'october 2020, anc adina durant las restricziuns da la pandemia da corona, ha Martina Linn envidà a concert en la baselgia da Segl. Ensemen cun Selina Cuonz (arpa) e Clemens Kuratle (percussiun e clavazin) ha ella chantà bleras chanzuns rumantschas ed er ina u l'autra da sias atgnas chanzuns per rumantsch ed englais. Igl è in concert en rom pli simpel ed intim, dentant in concert che ha laschà emblidar per in'uretta il temp stgir da corona.
L'artg musical lascha reviver quest concert nua che la musicista ch'abitescha oz en la Bassa ha cumprovà sia colliaziun e sia attaschadadad a la patria. Ella n'ha mai emblidà sias ragischs rumantschas, engiadinaisas. Er sin ses pli nov album (incl. cudesch) dal 2023 va ella «Sin tschertga da stizzis».
