La pandemia restrenscha il chant da chors, ma quai n'è nagin motiv da bittar la faultsch en chanvà. Chantai - chantez puspè, na laschai betg tiers che restricziuns e mascrinas sepuleschan voss plaschair da chantar. Cun quest emissiun vulain animar da betg dar si il chant e da tgirar quest prezius rom da nossa cultura.
Da la rolla da las associaziuns en general e durant il temp da pandemia discurrin nus cun Lucretia Bärtsch, la presidenta da l'Uniun chantunala da chant dal Grischun. Ella po era raquintar co l'uniun (federala e chantunala) po sustegnair e motivar ils chors. Nus vulain savair da Barbara Camichel, la presidenta dal district Engiadina, Bregaglia, Valle di Poschiavo e Val Müstair co che la situaziun actuala sa preschenta en ses district e co l'agid e sustegn funcziuna en las valladas.
Ils interprets en il studio
Igl è in'emissiun communabla cun RTS. Il moderatur Jean-Marc Richard ha envidà da la Svizra franzosa la furmaziun «Singtonic», in quartet dad umens (Thierry Dagon, Matthias Müller, Etienne Hersperger, Hans Frauchiger) e la pianista Véronique Piller che fan ina sort cabaret vocal. Dal Grischun è da la partida il chor da giuvenils «incantanti» e ses dirigent Christian Klucker. Quest onn po incantanti festivar ses anniversari da 20 onns.
Omaduas formaziuns han inaugurà il nov studio da RTR, la Studio Lounge, e quai betg mo accusticamain ma era visual. Nus avain fatg videos da las preschentaziuns da Singtonic ed Incantanti.
Chant en maletg – incantanti
Plinavant a pled vegnan Christian Klucker, dirigent dad incantanti che ha fatg bleras experientschas cun emprovas virtualas (er main bunas) e Thierry Dagon, chantadur da la furmaziun Singtonic e commember da suprastanza da l'Uniun svizra da chors.
Chant en maletg – Singtonic
Paginas d'internet
Impressiuns ord il nov studio RTR
-
Bild 1 von 10. Singtonic – Véronique Piller (piano), da san.: Hans Frauchiger, Thierry Dagon, Matthias Müller e Etienne Hersperger. Bildquelle: RTR.
-
Bild 2 von 10. Ils chantadurs da Singtonic enturn lur pianista, Véronique Piller. Bildquelle: RTR.
-
Bild 3 von 10. Thierry Dagon chanta per la presidenta da l'Uniun chantunala da chant dal GR, Lucretia Bärtsch. Bildquelle: RTR.
-
Bild 4 von 10. Ils umens da Singtonic durant lur preschentaziun en il studio RTR. Bildquelle: RTR.
-
Bild 5 von 10. Singtonic e lur accord final da la chanzun: Buonasera, Signorina. Bildquelle: RTR.
-
Bild 6 von 10. Registraziun da video durant il chant da incantanti. Bildquelle: RTR.
-
Bild 7 von 10. La formaziun incantanti en il nov studio da RTR. Bildquelle: RTR.
-
Bild 8 von 10. Las chantaduras ed ils chantadurs da incantanti e lur maestro Christian Klucker. Bildquelle: RTR.
-
Bild 9 von 10. Plaschair da chantar! Bildquelle: RTR.
-
Bild 10 von 10. Concentraziun cumplaina durant il chantar. Bildquelle: RTR.