I dat da tadlar musica instrumentala ord diversas spartas e vus emprendais d’enconuscher giuvens talents. Mes collega da moderaziun da la SRF Musikwelle, Roman Portmann, ha era visità duas societads da musica directamain en lur local d’emprova, cunquai che las mesiras da corona n'han betg lubì ad ellas da vegnir en il studio a Turitg. En l'emissiun preschentain nus las tschintg furmaziuns e faschain er intervistas.
Envidada a l'emissiun è er stada Luana Menoud-Baldi, la presidenta da l'Uniun svizra da musica. Cun ella avain nus pudì discurrer davart las consequenzas da la pandemia sin las societads da musica e tge che l'USM po far per sustegnair la scena da musica instrumentala svizra.
-
Bild 1 von 11. Las trais furmaziuns pitschnas han sunà sin la tribuna dal studio 1 a Turitg. Bildquelle: SRF.
-
Bild 2 von 11. Il moderatur Hugo Schär fa l'intervista cun Simon Gabriel, il pli giuven commember da MOTRE. Bildquelle: SRF.
-
Bild 3 von 11. MOTRE en acziun: (da san.) Simon Gabriel, Gian Duri Gabriel, Flavia Castillo e Janic Sendlhofer. Bildquelle: SRF.
-
Bild 4 von 11. La presidenta dal SBV, Luana Menoud Baldi en l'intervista cun Hugo Schär. Bildquelle: SRF.
-
Bild 5 von 11. La societad da musica Frohsinn Oberburg en ses local d'emprova. Bildquelle: SRF.
-
Bild 6 von 11. Il moderatur Roman Portmann fa l'intervista cun Andrin Lüchinger che suna il cimbasso. Bildquelle: SRF.
-
Bild 7 von 11. Rex Quintett: (da san.) Philipp Färber, Benjamin Frei, Anton Fetz, René Lei ed Andrin Lüchinger. Bildquelle: SRF.
-
Bild 8 von 11. Kapelle Walter Grimm: (da san.) Urs Krienbühl, Walter Grimm, Oski Della Torre e Martin Suter. Bildquelle: SRF.
-
Bild 9 von 11. Il moderatur RTR discurra cun Walter Grimm. Bildquelle: SRF.
-
Bild 10 von 11. La Spielgemeinschaft Hohentengen-Kaiserstuhl sa prepara per la registraziun. Bildquelle: SRF.
-
Bild 11 von 11. Hugo Schär da RTR e Roman Portmann da SRF Musikwelle han moderà l'emissiun communabla. Bildquelle: SRF.
Las furmaziuns
Per l'emissiun communabla ha Roman Portmann envidà diversas furmaziuns. RTR ha pudì vegnir cun ina furmaziun ospitanta ed ha envidà il quartet da trumbettas da l'Engiadin'Auta, MOTRE. La giuvna ed ils giuvens han inchantà las autras furmaziuns.
munta Musikschule Oberengadin Trompeten Ensemble. Quel exista dapi il 2016. Al cumenzament eran quai ils fargliuns Simon e Gian Duri Gabriel ed ils fargliuns Janic e Noa Sendlhofer. Dapi quest avust remplazza Flavia Castillo il Noa Sendlhofer. Anton Ludwig Wilhalm è manader musical.
Il quintet da la Svizra orientala suna melodias ord differentas spartas, dovran sco fundament dentant adina il stil da Oberkrain.
Walter Grimm ha in'atgna fatschenta da musica ed ha da far bler cun musica instrumentala. Sia furmaziun suna però il stil da musica populara. Grimm sez suna savens clarinetta dentant er il sopran-saxofon.
La societad da musica suna en furmaziun da Brass Band e sa participescha regularmain er a concurrenzas e festas da musica. Dirigent è Jan Müller.
La societad da musica suna en furmaziun da musica d'armonia. Il spezial vid ella è ch'ella è in'uniun sur cunfin. La musica è fusiunada tranter la societad da musica Hohentengen (Germania) e quella da Kaiserstuhl (AG). Dirigent è Manuel Wagner.