L’emprima chanzun da l’album «Cinnamon Synonym» trai vus direct en il disc. «December, November» ha insatge misterius che regorda vid in plan bossanova. Emprim be per rumantsch chantà da Tumasch è, lura be Ann Nielsen per danais ed amez fusiunà. Per finir en in ritmus furius da l’America centrala. Ina chanzun plain differentas fassettas e surpraisas.
Sche vus as dumandais uss daco che nus ans fatschentain exact cun l’emprima chanzun da l’album – nagina tema – il rest da l’album na vegn betg secziunà talmain. L’emprima chanzun è dentant in bun exempel per l’entir album. Quel è numnadamain multilingual, sa stenda sur divers geners e metta ina giada Tumasch è, in’autra giada Ann Nielsen ed adina puspè la cumbinaziun en il center.
Sco quai che la producziun da l’album è stà in viadi atras il mund, prenda era «Cinnamon Synonym» vus dal fieu da l’America centrala en ils culms rumantschs e lur brama e tranter las tgesas colurusas dal Danemarc.
Igl è in album ch’jau n’avess betg fatg cun 14 onns, ma igl è anc adina insatge da la giuvna da 14 onns lien.
Musica fatga a maun en differents studios cun differenta glieud – nagut artifizial mabain tut da differents umans en divers studios.
Igl n’è nagina musica per las massas ma musica che pudess pledentar multifars tips musicals.
L’intervista cumpletta cun ils dus artists da tgesa en la Surselva pudais tadlar suenter qua:
