Il festival SUNS ha la sonda passada per la 10avla giada gì lieu en la chapitala furlana Udine. Otg furmaziuns han preschentà lur chanzuns al festival per linguas minoritaras.
Quel festival ch'è il pli grond da ses gener, ha in vast program. Sper la musica datti er in focus spezial sin litteratura, film ed art da minoritads en tut l'Europa. SUNS è in project dal radio Onde Furlane, ina cooperativa che s’engascha per lingua e cultura dals furlans.
Il «Teatro Giovanni» è stà emplenì, musica da tut ils geners sin aut livel ed ina babilonia da linguas da tut l’Europa han contribuì a l'atmosfera. Quai è SUNS, il festival che unescha minoritads, lur linguas e culturas durant ina fin d’emna.
Otg furmaziuns, selecziunadas dals organisaturs da sur 30 propostas inoltradas, han preschentà lur chanzuns en lur lingua. Persvadì il pli fitg ha la chanzun rumantscha da «Tumasch è».
SUNS per la 10 avla giada
Il festival è in eveniment per far la punt tranter las differentas minoritads da l’Europa. Il 2009 ha SUNS per l'emprima giada gì lieu ad Udine ed il 2011 l'emprima giada sin territori grischun, a Falera. Quest onn è il festival puspè vegni organisà ad Udine. Da la partida èn sper Rumantschs er stads ils Valis, Furlans, Ollandais da la bassa Saxonia, Bascs, Bretons, ed ina gruppa da la Galicia.
-
Bild 1 von 14. La vista impressiunanta per ils musicists tar il SUNS festival. Bildquelle: RTR, D. Pohle.
-
Bild 2 von 14. La tribuna dal SUNS spetga ils artists. Bildquelle: RTR, D. Pohle.
-
Bild 3 von 14. La gruppa da la Valisa Adwaith. Bildquelle: RTR, D. Pohle.
-
Bild 4 von 14. Ils plazs en il teater en stads tschertgads. Bildquelle: RTR, D. Pohle.
-
Bild 5 von 14. La Basu è l'emprima dunna che fa rap per basc. Bildquelle: RTR, D. Pohle.
-
Bild 6 von 14. Dus commembers da la gruppa Esposa durant l'intervista obligatorica. Bildquelle: RTR, D.Pohle.
-
Bild 7 von 14. Ils rockadurs da la Bretagna Ebel Elektrik. Bildquelle: RTR, D. Pohle.
-
Bild 8 von 14. Isa Zwart la participanta ollandaisa. Bildquelle: RTR, D. Pohle.
-
Bild 9 von 14. Il participant furlan Franco Giordani. Bildquelle: RTR, D. Pohle.
-
Bild 10 von 14. 1000 aspectaturs èn stads fascinads. Bildquelle: RTR, D. Pohle.
-
Bild 11 von 14. In dals giasts spezials Gruff Rhys da la Valisa. Bildquelle: RTR, D. Pohle.
-
Bild 12 von 14. In dals giasts spezials Namgar. Bildquelle: RTR, D. Pohle.
-
Bild 13 von 14. Anc ina giada tut ils participants sin tribuna. Bildquelle: RTR, D. Pohle.
-
Bild 14 von 14. El Teatro Nuovo Giovanni ad Udine ha il festival SUNS gì lieu. Bildquelle: RTR, D. Pohle.
RR novitads 06:00