Jau m’interess per l’original, il vair, il pur. ‹L’interrumantscha›, sco che Tista Murk aveva ina giada titulà mai, è la suletta etichetta che jau hai gugent.
In'artista da talent nunditg saja Corin Curschellas, ina che haja l’abilitad da transfurmar l’entira vita en sun e tun. Quai noda l'anteriur cumpogn da musica da Corin Curschellas, il trubadur grischun Walter Lietha, en in pled da laud per il giubileum da tribuna da 50 onns da l'artista. Tals pleds da laud, liricas, memorias e fotografias èn vegnidas publitgadas dacurt en dus cudeschs. Quels èn da chattar ensemen cun quatter discs en ina box da giubileum cun il num «Collecziuns: Her Songs 1990–2010+2022».
Corin na chanta betg simplamain sias chanzuns, ella raquinta propi istorgias. Nus musicistas avevan regularmain las larmas cura ch’ella chantava.
-
Bild 1 von 7Legenda: A Cuira en il 1972 Marco Pichler -
Bild 2 von 7Legenda: L'onn 1977 a Turitg Hans Danuser
-
Bild 3 von 7Legenda: La «Lietha-Lässer-Band» en il 1981 (Archiv da dunnas dal Grischun). Alberto Venzago
-
Bild 4 von 7Legenda: A Berlin cun la furmaziun «Gatz Gatz» Collecziun privata Corin Curschellas
-
Bild 5 von 7Legenda: L'onn 1985 a Berlin Vest. Uwe Arndt
-
Bild 6 von 7Legenda: A Berlin Vest, en il 1986 Uwe Arndt
-
Bild 7 von 7Legenda: L'onn 1995 a Brooklyn, New York Ann Mandelbaum
La chantautura, multiinstrumentalista, cumponista, artista ed actura ha lavurà cun in team da 10 persunas vi da quella lavur retrospectiva. L’accent è vegnì mess sin atgnas cumposiziuns da Corin Curschellas dals onns 1990 fin 2010. Igl èn chanzuns en pliras linguas e differents stils. Tschernidas per ils discs èn ellas vegnidas dal musicist da jazz e fundatur dal Vienna Art Orchestra, Mathias Rüegg. Las chanzuns eran idas in pau en emblidanza, tant pli ch'ils portatuns da quel temp èn exausts.
Corin, pensa vi da sex!, hai jau cusseglià ad ella per gidar da chattar il tun sensual adattà. Atgnamain na dovra Corin betg quai. Ella è ina veritabla virtuosa.
Corin Curschellas, ch’è tranter auter vegnida undrada cun il Premi svizzer da musica da l’Uffizi federal da cultura l’onn 2014, è oz surtut enconuschenta per sias novas versiuns tant finas sco frestgas da chanzuns popularas tradiziunalas rumantschas. Quellas ha ella arranschà e preschentà ils ultims 12 onns en differentas furmaziuns.
Jau sun savens suletta. Cura che jau sun sin tribuna ma sent jau però sco dad esser circumdada da mia famiglia.
-
Bild 1 von 7Legenda: La multiinstrumentalista vi da la lavur en il Roter Salon da la Volksbühnbe a Berlin, 1990 Tom Fecht
-
Bild 2 von 7Legenda: Il «Global Vocal Meeting», l'onn 2002. Archiv da dunnas dal Grischun
-
Bild 3 von 7Legenda: Durant in concert en China en il 1990. A la ghitarra è Thomas Fessler, oz in producent da musica famus. Archiv da dunnas dal Grischun
-
Bild 4 von 7Legenda: Cun il «Vienna Art Orchestra» Collecziun privata Corin Curschellas
-
Bild 5 von 7Legenda: L'accordeon tutga tar ils instruments ch'accumpognan Corin Curschellas gia da pitschna ensi. Francesca Pfeffer
-
Bild 6 von 7Legenda: Cun «La Triada», Ursina Giger e Astrid Alexandre Angelika Annen
-
Bild 7 von 7Legenda: La chantautura less far in pau pli pacific, fa dentant gia puspè plans per il futur. Adrian Vieli
Sia lavur actuala metta il focus puspè sin la multifaradad, ina caracteristica da Corin Curschellas.
Avant che Corin Curschellas va sin turnea da giubileum, raquintan ella ed intginas da sias cumpognas e da ses cumpogns da sia vita da pioniera en la Marella. D’ina vita per e cun la musica, da collavuraziuns sur cunfins, da viadis enturn il mund, dal dachasa e da la lingua rumantscha, da muments magics ed er main magics.
Jau sun adina a la tschertga d’ina bavronda magica.