Corin Curschellas enconuscha il palc surtut sco musicista, ma er sco actura. Enconuschenta è ella sco chantadura e multi-instrumentalista, solo ed en diversas furmaziuns. Sin la tribuna sa senta ella sco da chasa. La tremblitga na enconuscha ella betg cura ch'ella presenta sia atgna musica. En il matg è ella puspè d'udir sin tribuna. E quest cun ils musicists da ses temp a Paris, ils «Recyclers».
Oz publitgescha Corin Curschellas ina box cun quatter discs, ina retrospectiva tar sia ovra da 1990 enfin 2010, il temp cura ch'ella collavurava cun divers musicists a Berlin, Paris e Londra. Quest è in'ovra cun elements da jazz che n'è betg uschè enconuschenta sco las chanzuns rumantschas e gualsras dals davos onns. La box cuntegna plinavant dus cudeschets cun las liricas, cun fotografias e memorias.
