L'emprima sonda dal favrer datti a Scuol ina isanza speziala.Il suentermezdi sa chattan ils uffants da scola sin la plazza dal toc sut da la vischnanca. Ils uffants pli pitschens portan faschs lungs da strom da seghel sin plaz, nua ch’els vegnan stuschads dals scolars pli vegls sin ina pitga veglia da telefon. I resulta ina statua da strom da var otg meter lunghezza ed in pais da var 500 kilograms – apunta l’Hom strom.
Pli tard il suentermezdi vegn tratg il resultat da la greva lavur tras ils scolars e las scolaras sin ina crana fabritgada aposta per quest intent sur la punt da l’En vi per la plazza principala. Qua vegn mess e segirà l’Hom Strom dals cussegls e cusseglieras communalas e dals impiegads communals da Scuol.
Il finale
Ils scolars pli vegls fan guardia tar l’Hom Strom, perquai che pli baud han uffants da las vischnancas vischinas adina puspè empruvà da dar fieu el.
Curt avant las 20:00 vai vi da las «bombas». Quai èn cullas or da sdratschs bagnads cun petroli. Ils scolars ils pli vegls dattan fieu a questas cullas ed illumineschan la saira. Punct las 20:00 vegn l'Hom Strom mess en flommas ed ils scolars e las scolaras sco er la glieud che visita quest spectacul.
Derivanza nunenconuschenta
Speculaziuns danunder e pertge che quest usit exista, datti bleras. La pli savens numnada di che l'usit deriva da purs da muntogna che han purtà in sacrifizi d'engraziament a lur Dieu dal sulegl.
