Dapi tschientaners vegn fatg l’isanza da l'um strom a Scuol. Punct da partenza è adina la sonda suentermezdi, là vegn l'Hom strom fatg. Ils pli pitschens mainan natiers il strom en furma da monas. Quellas vegnan lura messas ensemen en cuas da strom e liadas vi d'in pitga da lain. La saira vegn l'Hom strom transportà al plaz Gurlaina a l'ur dal vitg da Scuol, nua ch'el vegn lura ars.
Jachen Puorger ha fatg ses ultim um strom
Dapi 33 onns fa il magister Jachen Puorger ensemen cun scolaras e scolars l'Hom strom. Dapi blers onns ha el la surveglianza ed è in pau il manader da la tradiziun. Quel da sonda saira è stà ses ultim, suenter 33 onns va el questa primavaira en pensiun e quai da sonda saira è stà per el in buna finiziun.
Anfang Bildergalerie
Bildergalerie überspringen
-
Bild 1 von 8. Ils pli pitschens portan natiers il strom da seghel. Bildquelle: RTR, Reto Mayer.
-
Bild 2 von 8. Las cuas da strom vegnan messas enturn la pitga da lain. Bildquelle: RTR, Reto Mayer.
-
Bild 3 von 8. Las cuas da strom vegnan fatgas dals uffants pli gronds. Bildquelle: RTR, Reto Mayer.
-
Bild 4 von 8. Suenter radund duas uras lavur è l'Hom strom a fin. Bildquelle: RTR, Reto Mayer.
-
Bild 5 von 8. La magistraglia metta si la saira l'Hom strom. Bildquelle: RTR, Reto Mayer.
-
Bild 6 von 8. Curt avant las otg, avant che dar fieu. Bildquelle: RTR, Reto Mayer.
-
Bild 7 von 8. Punctualmain las otg arda l'Hom strom. Bildquelle: RTR, Reto Mayer.
-
Bild 8 von 8. Ils magister Jachen Puorger ha giudì suenter 33 onns ses ultim Hom strom. Bildquelle: RTR, Reto Mayer.
Ende der Bildergalerie
Zurück zum Anfang der Bildergalerie.
