Questa fin d’emna envida Vita e cretta cun l'istoricher ed anteriur professer titular per istorgia dal temp nov, Hans-Lukas Kieser, ad in viadi en la Tirchia, nua che han lieu proximamain elecziuns communalas.
Questas elecziuns ristgan da cementar la forza dad ina pussanza, che na stuess tenor lescha tirca betg giugar ina rolla en la Tirchia laicistica – numnadamain la religiun islama. Il motor da quest svilup stat a la testa dal stadi, igl è il president Recep Tayyip Erdoğan.
Co funcziuna l'islamisaziun tenor il gust dad Erdogan? Tge vuschs vegnan veramain taschentadas en Tirchia? E tge pussanza dat la renaschientscha da las religiuns als potentats ed autocrats en il mund?
Las respostas dat la Vita e cretta da la dumengia da Pasca.
è actualmain professer per istorgia a l’Universitad da Newcastle (Australia). Avant professer titular a l’Universitad da Turitg. Expert per la transfurmaziun en il Proxim Orient a la fin da l’era osmana e per ils svilups enfin al temp contemporan. Sias publicaziuns èn cumparidas en pliras ediziuns e linguas, tranter auter er en tirc, curd e persic.
