Il 2024 vala sco super-onn dad elecziuns. La mesadad da la populaziun mundiala, radund quatter milliardas persunas, vivan en pajais nua ch’i dat quest onn elecziuns. Raschun avunda per la Vita e cretta da badar cun ina seria il puls dad insaquants da quests pajais. Noss focus: la religiun.
Questa dumengia envida la Vita e cretta cun l’istoricher e scienzià da religiun Rolf Bossart ad in viadi en la Russia, nua ch’il president Wladimir Putin vegn reelegì questa fin d’emna.
Per quel resultat d’elecziun ha procurà l’autocrat Putin cun ses apparat da pussanza gist sez – maun en maun cun la baselgia russ-ortodoxa. In’allianza tut autra che sontga, ma fitg effectiva.
