Laschar mintgin sco ch'el è. Laschar a mintgin sia opiniun senza vulair esser d'accord. U ditg auter: viver a laschar viver. Uschia definescha l'istoricher Matteo De Pedrini toleranza. Per el è toleranza insatge simmetric, insatge senza ierarchia, ch'ins na pretenda betg d'ina persuna dapli che d'in'autra.
Matteo De Pedrini è dal spectrum autistic. El na spetga betg ch'ins è pli tolerant cun el che cun auters. Quai haja d'ir en omaduas direcziuns, di Matteo De Pedrini en «Vita e cretta». Impurtant è dentant er empatia. E quella manca magari. Talas experientschas ha l’istoricher che lavura tar l'«Autismusverlag» a Son Gagl gia fatg.
I emprovan da chattar ils deficits e na vulan betg chattar las bunas varts ch’ins ha er sco persuna.