Questa stad han renfatschas enturn la «Chasa Flurina» a Lavin procurà per lingias grassas. Entant è enconuschent che la chasa per persunas cun autissem a Lavin serra sias portas.
Sper la «Chasa Flurina» datti en il Grischun be anc quatter gruppas d'abitar per persunas creschidas. Ins quinta che 2% da la populaziun patescha en ina moda u l'autra dad autissem. Cas pli grevs èn dentant bler pli rars. Surtut per quels duvrassi dimoras professiunalas.
Las sfidas en connex cun autissem èn grondas. Ir enturn cun ils pertutgads è fitg grev e perquai datti paucas persunas che pon tgirar ils pazients. Savens dependa il destin da persunas cun autissem da confamigliars che emprovan da bajegiar structuras per els. Il maun public ha realisà ch'i duvrass dapli agid – agescha dentant betg proactiv.
-
Bild 1 von 4. L'autist Paul ed il tgirunz Orlando Schmidlin: . «Igl è grev da savair tge che persunas cun autissem dovran, cunquai ch'els na pon betg discurrer.». Bildquelle: RTR.
-
Bild 2 von 4. Corina Badilatti, experta per autissem:. «En il Grischun datti ina mancanza da plazs per persunas creschidas cun autissem.». Bildquelle: RTR.
-
Bild 3 von 4. Susanna Gadient, manadra Uffizi social dal Grischun:. «Nus na pudain dar nagina garanzia da chattar dad in di sin l'auter in plaz per mintga persuna pertutgada.». Bildquelle: RTR.
-
Bild 4 von 4. Hubert Kempter, directur Center Giuvaulta:. «Nus vulevan realisar ina segunda chasa per persunas cun autissem – quai è dentant er ina dumonda da daners e da persunal.». Bildquelle: RTR.