-
Bild 1 von 3. Be my Eyes. Sa colliar cun in u ina voluntaria insanua sin il mund, e laschar duvrar la camera dal handy. Quella po lura per exempel mussar sco tschentar en il furnel a chasa, u tge ch'ins sto cumprar en la stizun. Bildquelle: Be my Eyes.
-
Bild 2 von 3. SeeingAI. Per sumegliants basegns datti «SeeingAI»: In program automatic che legia en documents entaifer secundas, e po lura leger avant els. Perfin munaida e notas da bancas po el dumbrar. Bildquelle: Keystone.
-
Bild 3 von 3. SBB Inclusive. Per chaminar datti plirs guids ch'annunzian vias e staziuns. En Svizra è la app «SBB Inclusive» disponibla: ella po dir en tge tren ch'ins sa chattà, ed annunzia la proxima fermada. Autras apps per chaminar han num: «WeWalk», «Moovit» e «BlindSquare». Bildquelle: Keystone.
Persunas che n'audan pauc u nagut, pon nizzegiar il microfon dal handy sco ina ureglia. Differentas purschidas èn disponiblas per Android ed Iphone:
-
Bild 1 von 3. Live Transcribe & Sound Notifications. L'app per Android identifitgescha ramurs dal mintgadi, e renviescha per exempel ch'in uffant è vid bragir u ch'il scalin ha sunà. Bildquelle: Keystone.
-
Bild 2 von 3. Ava. Ina app che funcziuna per discussiuns. Sche mintga participanta ha installà l'app, scriva l'app la discussiun per la persuna cun pauca udida. Bildquelle: Keystone.
-
Bild 3 von 3. Pedius. «Pedius» lubescha a persunas da telefonar, ins po scriver tge ch'ins vul dir e l'app «tschantscha» per ins al telefon. Bildquelle: Keystone.
Plinavant existan differentas schliaziuns per glieud che na po betg ir a pe, u è perfin en la sutga cun rodas.
-
Bild 1 von 3. Wheelmap. Tgeninas staziuns da tren, e tgenins restaurants èn cuntanschibels cun la sutga cun rodas chatt'ins sin «Wheelmap» u sin la charta da Pro Infirmis. Bildquelle: Keystone.
-
Bild 2 von 3. HandicapX. La charta HandicapX ha nudà radund 15'600 tualettas per persunas cun impediments. Bildquelle: Keystone.
-
Bild 3 von 3. fuelService. E l'app «fuelService» maina ins tar il proxim tancadi cun assistenza per persunas cun impediments. Bildquelle: Keystone.
Betg tuts carstgauns pon duvrar la lingua uschè bun, per ch'ellas possian dir tge ch'ellas vulan. Per exempel persunas autisticas. A quellas gida per exempel la «Grace-App», sviluppada dad ina mamma dad in uffant autistic. Ses uffant po tscherner cun quella app maletgs per exprimer ses giavischs e sentiments.
Er persunas cun impediments spiertals duain avair ina vita sociala ed ina vita da sex. Perquai datti gia in project da pilot per ina rait soziala per persunas cun impediments, sco er ina plattafurma da dating.