Otg concerts per il giubileum
Per festivar ils 15 onns da la plattafurma Mx3 datti otg concerts d’artistas e d’artists ch’èn ina giada stà selecziunà da l’acziun «Mx3 – tuts per in». Confurm a l’acziun, mintgamai dus acts da mintga regiun linguistica da la Svizra. Danitsa e Barrio Colette da la Svizra franzosa, Tatum Rush ed Animor da la Svizra taliana e Caroline Alves e Sam Himself per la Svizra tudestga. Las duas Rumantschas en la runda èn Ursina e Fiona Fiasco, l’ultima ensemen cun Melodiesinfonie.
-
Bild 1 von 8. Fiona Fiasco e Melodiesinfonie. Quest onn ha la chantadura rumantscha publitgà ses album da debut «Forever Faking Memories». Bildquelle: Samuel Vuillermoz, mx3.ch.
-
Bild 2 von 8. Ursina. Era la chantautura Ursina ha quest onn publitgà in album: «When I Let Go». Bildquelle: Samuel Vuillermoz, mx3.ch.
-
Bild 3 von 8. Barrio Collette. La gruppa da Genevra. Bildquelle: Samuel Vuillermoz, mx3.ch.
-
Bild 4 von 8. Sam Himself. Da New York a Friburg sin tribuna – Sam Himself cun sia vusch unica. Bildquelle: Samuel Vuillermoz, mx3.ch.
-
Bild 5 von 8. Danitsa. La cantautura fa Hip Hop, Soul, Reggae, Funk e tranteren era ina giada Trap. Bildquelle: Samuel Vuillermoz, mx3.ch.
-
Bild 6 von 8. Tatum Rush. Il chau creativ cun ragischs en l’America che abitescha a Lugano e Lausane. Bildquelle: Samuel Vuillermoz, mx3.ch.
-
Bild 7 von 8. Caroline Alves. La chantadura da soul ch’è oriundamain da Rio de Janeiro scriva sias chanzuns uss a Biel. Bildquelle: Samuel Vuillermoz, mx3.ch.
-
Bild 8 von 8. Animor. La secunda artista da Lugano che ha gratulà ils 16 da settember al giubileum da mx3.ch. Bildquelle: Samuel Vuillermoz, mx3.ch.
Ina versada ed ina noviza
Na, ina Newcomera n’è Ursina betg. Ella ha studegià musica tranter auter era en l’exteriur e chantà e sunà en differents projects. Cun «You Have My Heart» ha ella publitgà il 2016 ses emprim album solo. Quest’onn ha ella publitgà in ulteriur album cul titel «When I Let Go». Sin quel èsi era da chattar la chanzun «Tut semida» ch’è stà la selecziun da l’acziun «Mx3 – tuts per in» dal fanadur 2021. Il titel noviza va meglier a prà cun Fiona Fiasco, era sche gia pliras da sias chanzuns èn vegnidas emessas en divers radios en Svizra. Entaifer sia curta carriera è ella gia duas giadas stada il talent dal «Mx3 – tuts per in». L’entschatta sco Fiona Cavegn cun «Mona Lisa» per il mars 2019 e quest onn cun ses nov pseudonim Fiona Fiasco ensemen cun Melodiesinfonie e lur chanzun «Boys Suck».