Ils 8 e 9 da zercladur 2024 è la 29avla Festa chantunala da musica . Passa 60 societads da musica dal Grischun e da la Svizra vegnan a Claustra per sunar avant ina giuria in toc da patg, in toc da pensum sco era far part a la concurrenza da marschar. Per in dirigent munta quai er da preparar bain la societad sin quest mument. L'Artg musical porta in discurs cun trais dirigents:
- Gian Stecher (dirigia la Musica da Domat e la GR Brass)
- Bastian Janett (dirigia la Società da musica Sent)
- Stefan Demarmels (dirigia la Musica instrumentala Salouf-Mon-Stierva)
Els trais ha RTR envidà en il studio per discutar co els preparan lur uniuns, co els elegian il toc da patg ed il marsch, co els planiseschan las emprovas er cun il toc da pensum che las musicas survegnan 12 emnas avant la festa. E natiralmain avain nus era vulì savair dad els sin tge ch'els sa legran il pli fitg tar ina festa da musica.
Qua pudais vus tadlar l'entir discurs cun ils trais dirigents:
Dapli
Gia l'onn passà ha Claustra organisà ina festa da musica. La festa dal district II (Tschintg Vitgs, Signuradi, Partenz e Tavau) è quasi stà l'emprima generala per la festa chantunala da quest onn.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.