Cun il quadern da chanzuns «con spirito» na pretenda la cumissiun da liturgia da la Baselgia evangelica refurmada da la Svizra (BERS) betg dad esser cumplet, ma ella vul contribuir ina part preziusa per ina convivenza plurilingua da la cuminanza da baselgias. Il carnet da chant e liturgia en las quatter linguas da la Svizra, duai esser in accent sin unitad e diversitad che vegn vivida e promovida spezialmain cun celebrar il cult divin.
Per la part rumantscha dal carnet da chant «con spirito» è il teolog ed istoricher Jan-Andrea Bernhard vegnì incumbensà da la cumissiun da liturgia da la BERS. Ch'il rumantsch e sias chanzuns liturgicas en ils differents idioms saja represchentads en quest quadern da chant è stà d'impurtanza elementara per Jan-Andrea Bernhard.
Il rumantsch è ina impurtanta part da liom ed indentificaziun federala.
Il quadern da chanzuns ed elements liturics «con spirito» duaja vegnir duvrà sin palc regiunal e naziunal e duaja esser in term per unitad confessiunala, linguistica e geografica. Gist en temps che las baselgias èn confruntadas cun la digren da parochianas e parochians possia quest quadern en las quatter linguas dar anim, tant a la cuminanza cristiana sco er a la recepziun linguistica.
'con spirito' munta in spert cuminaivel che surpassa tut ils cunfins cunfessiunals.
Passa 50 chanzuns sa chattan en il quadern «con spirito», chanzuns tradiziunalas dal temp da la Refurmaziun, enfin tar chanzuns da la tradiziun da Taisez, ina vastadad da chanzuns en pliras vuschs sco era canons da las differentas parts linguisticas. Tranter las chanzuns rumantschas tutga er il Psalm 23 da Tumasch Dolf, «Miu Deus ei in pastur fidau». Quella sco er intginas autras chanzuns d'autras linguas èn vegnidas translattadas dad Andri Casanova, teolog romancatolic e collavuratur dal DRG.
L’ura da religiun è ina oasa da tempra religius-meditativa cun novitads or dal mund da las religiuns, predi/meditaziun e dapli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.