Gia suenter ina scolaziun l'institut a Glion a la scola da puras e tegnairchasa saveva sora Geresina ch’ella vuless vegnir mungia. Ma ils geniturs han ditg da ponderar bain. Perquai ha Adelina Candinas sa laschà surpledar dal plevon dal vitg da gidar da fundar ina scola da taisser e tegnairchasa a Sedrun.
Il frar pitschen bragiva e scheva 'na, betg va'!»
Ma sora Geresina ha viavant sentì il desideri da vulair ir en claustra. E suenter la mort dal plevon ha ella vis la schanza da far quest pass. Il profess ha ella gì il 1951 cun 25 onns.
Jau sa sprov dad avair ina ferma uniun cun Dieu. Lez ha adina dà la forza per tut quai ch’jau hai fatg.
En claustra
La claustra da Glion vuleva ch’ella vegnia scolasta. Ma cun 25 onns è sora Geresina vegnida malsauna ed ha fatg mussadra da scolina a Sedrun. E qua è ella restada per vita duranta. Fin 40 uffants aveva ella en scolina. E sper questa incumbensa è ella stada superiura da la chasa da vegls ed attempads a Sedrun.
Manar la chasa da vegls ed attempads a Sedrun, e lavurar en scolina, quai era in grev burdi.
La claustra da Glion è il da chasa da sora Geresina dapi ch’ella ha 22 onns - pia dapi 77 onns. Ella haja mai laschà encrescher per Surrein. Ma ir en las missiuns en la Brasilia u a Taiwan ha ella mai stuì. Sora Geresina di ch’ella haja adina patì dal laschar encrescher.
Jau na sai betg, sch’jau avess tegnì ora quai – da bandunar la patria.
Il futur da la claustra da Glion fa in zic quitads ad ella. Ma ella haja la speranza ch’i flureschia insatge. Forsa sin in’autra moda che ussa, di sora Geresina.
Jau sun mai stada mal. Jau sun adina stada cuntenta en claustra.
